LUNGSOD QUEZON, Ika-30 ng Hunyo (PIA) --- Hinimok ng Mines and Geoscience Bureau (MGB) ang publiko na alamin ang mga lugar na maaring bahain o pagguhuan ng lupa bunga ng pag-ulan dala ng Habagat at ng Bagyong Egay.

Sa Pre-Disaster Risk Assessment meeting nitong Linggo, ipinakita ng mga kinatawan ng MGB ang mga lugar na maaring maapektuhan ng pagpapaulan ng Habagat.

Una rito, binanggit ni DOST Pagasa Weather Services Chief Esperanza Cayanan na hahatakin ng Bagyong Egay ang Habagat para magpaulan sa Luzon at sa bahagi ng kabisayaan.

Bukod dito, sinabi ni Dr. Cayanan na maaring pangyarihan ng landslide sa isang lugar kung lumagpas sa 100 milimetro kada araw ang dami ng ulang bumagsak doon sa loob ng ilang araw na pag-ulan.

Gamit ang datos ng Global Spectral Model (GSM) Rainfall Accumulation (o bilang ng bumagsak na ulan) mula sa DOST-Pagasa, nakagawa ang MGB ng mga mapa ng mga lugar na maaring pangyarihan ng rain-induced landslide at flooding na sinimulan noong ika-8 ng gabi noong sabado.

Ang mga mapa GSM ay mayroong 24 oras (GSM 24), 48 oras (GSM 48) at 72 oras (GSM 72).

Nakagawa din ang MGB ng listahan ng mga barangay (MGB Brgy List) na posibleng bahain at pangyarihan ng pagguho ng lupa batay sa GSM 72 (makikita sa ilalim ang halimbawa).

(VHL-Very High Landslide; HL-High Landslide; ML - Moderate Landslide; DF-Debris Flow; VHF-Very High Flooding; HF-High Flooding at MF-Moderate Flooding)

Para sa kabuang kopya ng MGB Brgy List, makipag-ugnayan sa inyong disaster risk reduction and management office ng inyong lokal na pamahalaan o kaya tumawag sa (02) 9115061 hanggang 64 ng Office of Civil Defense-ICTD Operation Service.

Aabot sa 1,889 na mga barangay ang posibleng maapektuhan ng rain-induced floods at rain-induced landslide.

Samantala, nagbahagi rin ang MGB ng mga larawan ng mga senyales na posibleng pagsimulan ng pagguho ng lupa o landslide.

Ang mga dapat mabantayan ay ang mga sumusunod: tension cracks (mga baha-bahagdang ayos ng lupa), fractured rocks/sediments (bitak sa bato); sliding slope (gumuguhong dalisdis) at thick soil overburden (tingnan ang larawan sa taas gawing kanan). (LP)